ט וַיְדַבֵּר יְדוָד אֶל מֹשֶׁה לֵּאמֹר׃
35:9 Vaydabér Adonai el Moshé lemór
י דַּבֵּר אֶל בְּנֵי יִשְׂרָאֵל וְאָמַרְתָּ אֲלֵהֶם כִּי אַתֶּם עֹבְרִים אֶת הַיַּרְדֵּן אַרְצָה כְּנָעַן׃
10 Dabér el bnei Yisra'él ve'amartá alehém ki atém ovrím et haYardén ártsa Kena'án
יא וְהִקְרִיתֶם לָכֶם עָרִים עָרֵי מִקְלָט תִּהְיֶינָה לָכֶם וְנָס שָׁמָּה רֹצֵחַ מַכֵּה נֶפֶשׁ בִּשְׁגָגָה׃
11 Vehikritém lajém arím aréi miklát tihyéna lajém venás shamá rotséaj maké néfesh bishgagá
יב וְהָיוּ לָכֶם הֶעָרִים לְמִקְלָט מִגֹּאֵל וְלֹא יָמוּת הָרֹצֵחַ עַד עָמְדוֹ לִפְנֵי הָעֵדָה לַמִּשְׁפָּט׃
12 Vehayú lajém he'arím lemiklát migo'él veló yamút harotséaj ad omdó lifnéi ha'edá lamishpát
יג וְהֶעָרִים אֲשֶׁר תִּתֵּנוּ שֵׁשׁ עָרֵי מִקְלָט תִּהְיֶינָה לָכֶם׃
13 Vehe'arím ashér titénu shesh aréi miklát tihyéna lajém
יד אֵת שְׁלֹשׁ הֶעָרִים תִּתְּנוּ מֵעֵבֶר לַיַּרְדֵּן וְאֵת שְׁלֹשׁ הֶעָרִים תִּתְּנוּ בְּאֶרֶץ כְּנָעַן עָרֵי מִקְלָט תִּהְיֶינָה׃
14 Et shalósh he'arím titnú me'éver laYardén ve'ét shalósh he'arím titnú be'érets Kena'án aréi miklát tihyéna
טו לִבְנֵי יִשְׂרָאֵל וְלַגֵּר וְלַתּוֹשָׁב בְּתוֹכָם תִּהְיֶינָה שֵׁשׁ הֶעָרִים הָאֵלֶּה לְמִקְלָט לָנוּס שָׁמָּה כָּל מַכֵּה נֶפֶשׁ בִּשְׁגָגָה׃
15 Livnéi Yisra'él velaguér velatosháv betojám tihyéna shesh he'arím ha'éle lemiklát lanús shamá kol maké néfesh bishgagá
טז וְאִם בִּכְלִי בַרְזֶל הִכָּהוּ וַיָּמֹת רֹצֵחַ הוּא מוֹת יוּמַת הָרֹצֵחַ׃
16 Ve'ím bijlí varzél hikáhu vayamót rotséaj hu mot yumát harotséaj
יז וְאִם בְּאֶבֶן יָד אֲשֶׁר יָמוּת בָּהּ הִכָּהוּ וַיָּמֹת רֹצֵחַ הוּא מוֹת יוּמַת הָרֹצֵחַ׃
17 Ve'ím be'éven yad ashér yamút ba hikáhu vayamót rotséaj hu mot yumát harotséaj
יח אוֹ בִּכְלִי עֵץ יָד אֲשֶׁר יָמוּת בּוֹ הִכָּהוּ וַיָּמֹת רֹצֵחַ הוּא מוֹת יוּמַת הָרֹצֵחַ׃
18 O bijlí ets yad ashér yamút bo hikáhu vayamót rotséaj hu mot yumát harotséaj
יט גֹּאֵל הַדָּם הוּא יָמִית אֶת הָרֹצֵחַ בְּפִגְעוֹ בוֹ הוּא יְמִיתֶנּוּ׃
19 Go'él hadám hu yamít et harotséaj befig'ó vo hu yemiténu
כ וְאִם בְּשִׂנְאָה יֶהְדָּפֶנּוּ אוֹ הִשְׁלִיךְ עָלָיו בִּצְדִיָּה וַיָּמֹת׃
20 Ve'ím besin'á yehdafénu o hishlíj aláv bitsdiyá vayamót
כא אוֹ בְאֵיבָה הִכָּהוּ בְיָדוֹ וַיָּמֹת מוֹת יוּמַת הַמַּכֶּה רֹצֵחַ הוּא גֹּאֵל הַדָּם יָמִית אֶת הָרֹצֵחַ בְּפִגְעוֹ בוֹ׃
21 O ve'eivá hikáhu veyadó vayamót mot yumát hamaké rotséaj hu go'él hadám yamít et harotséaj befig'ó vo
כב וְאִם בְּפֶתַע בְּלֹא אֵיבָה הֲדָפוֹ אוֹ הִשְׁלִיךְ עָלָיו כָּל כְּלִי בְּלֹא צְדִיָּה׃
22 Ve'ím beféta beló eivá hadafó o hishlíj aláv kol kli beló tsediyá
כג אוֹ בְכָל אֶבֶן אֲשֶׁר יָמוּת בָּהּ בְּלֹא רְאוֹת וַיַּפֵּל עָלָיו וַיָּמֹת וְהוּא לֹא אוֹיֵב לוֹ וְלֹא מְבַקֵּשׁ רָעָתוֹ׃
23 O vejól éven ashér yamút ba beló re'ót vayapél aláv vayamót vehú lo oyév lo veló mevakésh ra'ató
כד וְשָׁפְטוּ הָעֵדָה בֵּין הַמַּכֶּה וּבֵין גֹּאֵל הַדָּם עַל הַמִּשְׁפָּטִים הָאֵלֶּה׃
24 Veshaftú ha'edá bein hamaké uvéin go'él hadám al hamishpatím ha'éle
כה וְהִצִּילוּ הָעֵדָה אֶת הָרֹצֵחַ מִיַּד גֹּאֵל הַדָּם וְהֵשִׁיבוּ אֹתוֹ הָעֵדָה אֶל עִיר מִקְלָטוֹ אֲשֶׁר נָס שָׁמָּה וְיָשַׁב בָּהּ עַד מוֹת הַכֹּהֵן הַגָּדֹל אֲשֶׁר מָשַׁח אֹתוֹ בְּשֶׁמֶן הַקֹּדֶשׁ׃
25 Vehitsílu ha'edá et harotséaj miyád go'él hadám veheshívu otó ha'edá el ir miklató ashér nas shamá veyasháv ba ad mot hakohén hagadól ashér masháj otó beshémen hakódesh
כו וְאִם יָצֹא יֵצֵא הָרֹצֵחַ אֶת גְּבוּל עִיר מִקְלָטוֹ אֲשֶׁר יָנוּס שָׁמָּה׃
26 Ve'ím yatsó yetsé harotséaj et gvul ir miklató ashér yanús shamá
כז וּמָצָא אֹתוֹ גֹּאֵל הַדָּם מִחוּץ לִגְבוּל עִיר מִקְלָטוֹ וְרָצַח גֹּאֵל הַדָּם אֶת הָרֹצֵחַ אֵין לוֹ דָּם׃
27 Umatsá otó go'él hadám mijúts ligvúl ir miklató veratsáj go'él hadám et harotséaj ein lo dam
כח כִּי בְעִיר מִקְלָטוֹ יֵשֵׁב עַד מוֹת הַכֹּהֵן הַגָּדֹל וְאַחֲרֵי מוֹת הַכֹּהֵן הַגָּדֹל יָשׁוּב הָרֹצֵחַ אֶל אֶרֶץ אֲחֻזָּתוֹ׃
28 Ki ve'ír miklató yeshév ad mot hakohén hagadól ve'ajaréi mot hakohén hagadól yashúv harotséaj el érets ajuzató
כט וְהָיוּ אֵלֶּה לָכֶם לְחֻקַּת מִשְׁפָּט לְדֹרֹתֵיכֶם בְּכֹל מוֹשְׁבֹתֵיכֶם׃
29 Vehayú éle lajém lejukát mishpát ledoroteijém bejól moshvoteijém
ל כָּל מַכֵּה נֶפֶשׁ לְפִי עֵדִים יִרְצַח אֶת הָרֹצֵחַ וְעֵד אֶחָד לֹא יַעֲנֶה בְנֶפֶשׁ לָמוּת׃
30 Kol maké néfesh lefí edím yirtsáj et harotséaj ve'éd ejád lo ya'ané venéfesh lamút
לא וְלֹא תִקְחוּ כֹפֶר לְנֶפֶשׁ רֹצֵחַ אֲשֶׁר הוּא רָשָׁע לָמוּת כִּי מוֹת יוּמָת׃
31 Veló tikjú jofér lenéfesh rotséaj ashér hu rashá lamút ki mot yumát
לב וְלֹא תִקְחוּ כֹפֶר לָנוּס אֶל עִיר מִקְלָטוֹ לָשׁוּב לָשֶׁבֶת בָּאָרֶץ עַד מוֹת הַכֹּהֵן׃
32 Veló tikjú jofér lanús el ir miklató lashúv lashévet ba'árets ad mot hakohén
לג וְלֹא תַחֲנִיפוּ אֶת הָאָרֶץ אֲשֶׁר אַתֶּם בָּהּ כִּי הַדָּם הוּא יַחֲנִיף אֶת הָאָרֶץ וְלָאָרֶץ לֹא יְכֻפַּר לַדָּם אֲשֶׁר שֻׁפַּךְ בָּהּ כִּי אִם בְּדַם שֹׁפְכוֹ׃
33 Veló tajanífu et ha'árets ashér atém ba ki hadám hu yajaníf et ha'árets vela'árets lo yejupár ladám ashér shupáj ba ki im bedám shofjó
לד וְלֹא תְטַמֵּא אֶת הָאָרֶץ אֲשֶׁר אַתֶּם יֹשְׁבִים בָּהּ אֲשֶׁר אֲנִי שֹׁכֵן בְּתוֹכָהּ כִּי אֲנִי יְדוָד שֹׁכֵן בְּתוֹךְ בְּנֵי יִשְׂרָאֵל׃
34 Veló tetamé et ha'árets ashér atém yoshvím ba ashér aní shojén betojá ki aní Adonai shojén betój bnei Yisra'él