כו וַיְדַבֵּר יְדוָד אֶל מֹשֶׁה וְאֶל אַהֲרֹן לֵאמֹר׃
14:26 Vayedabér Adonai el Moshé ve'él Aharón lemór
כז עַד מָתַי לָעֵדָה הָרָעָה הַזֹּאת אֲשֶׁר הֵמָּה מַלִּינִים עָלָי אֶת תְּלֻנּוֹת בְּנֵי יִשְׂרָאֵל אֲשֶׁר הֵמָּה מַלִּינִים עָלַי שָׁמָעְתִּי׃
27 Ad matái la'edá hara'á hazót ashér hémah maliním alái et tlunót bnei Yisra'él ashér hémah maliním alái shamá'ti
כח אֱמֹר אֲלֵהֶם חַי אָנִי נְאֻם יְדוָד אִם לֹא כַּאֲשֶׁר דִּבַּרְתֶּם בְּאָזְנָי כֵּן אֶעֱשֶׂה לָכֶם׃
28 Emór alehém jai aní ne'úm Adonai im lo ka'ashér dibártem be'oznái ken e'esé lajém
כט בַּמִּדְבָּר הַזֶּה יִפְּלוּ פִגְרֵיכֶם וְכָל פְּקֻדֵיכֶם לְכָל מִסְפַּרְכֶם מִבֶּן עֶשְׂרִים שָׁנָה וָמָעְלָה אֲשֶׁר הֲלִינֹתֶם עָלָי׃
29 Bamidbár hazé yiplú fig'reijém vekhól pekudeijém lekhól misparkjém mibén esrím shaná vama'lá ashér halinotém alái
ל אִם אַתֶּם תָּבֹאוּ אֶל הָאָרֶץ אֲשֶׁר נָשָׂאתִי אֶת יָדִי לְשַׁכֵּן אֶתְכֶם בָּהּ כִּי אִם כָּלֵב בֶּן יְפֻנֶּה וִיהוֹשֻׁעַ בִּן נוּן׃
30 Im atém tavó'u el ha'áretz ashér nasáti et yadí leshakén etjém bah ki im Kalév ben Yefuné viYehoshúa bin Nun
לא וְטַפְּכֶם אֲשֶׁר אֲמַרְתֶּם לָבַז יִהְיֶה וְהֵבֵיאתִי אֹתָם וְיָדְעוּ אֶת הָאָרֶץ אֲשֶׁר מְאַסְתֶּם בָּהּ׃
31 Vetapjém ashér amartém laváz yihyé veheveíti otám veyad'ú et ha'áretz ashér me'astém bah
לב וּפִגְרֵיכֶם אַתֶּם יִפְּלוּ בַּמִּדְבָּר הַזֶּה׃
32 Ufig'reijém atém yiplú bamidbár hazé
לג וּבְנֵיכֶם יִהְיוּ רֹעִים בַּמִּדְבָּר אַרְבָּעִים שָׁנָה וְנָשְׂאוּ אֶת זְנוּתֵיכֶם עַד תֹּם פִּגְרֵיכֶם בַּמִּדְבָּר׃
33 Uvneijém yihyú ro'ím bamidbár arba'ím shaná venase'ú et zenuteijém ad tom pig'reijém bamidbár
לד בְּמִסְפַּר הַיָּמִים אֲשֶׁר תַּרְתֶּם אֶת הָאָרֶץ אַרְבָּעִים יוֹם יוֹם לַשָּׁנָה יוֹם לַשָּׁנָה תִּשְׂאוּ אֶת עֲוֹנֹתֵיכֶם אַרְבָּעִים שָׁנָה וִידַעְתֶּם אֶת תְּנוּאָתִי׃
34 Bemispár hayamím ashér tartém et ha'áretz arba'ím yom yom lashaná yom lashaná tis'ú et avonoteijém arba'ím shaná vidá'tem et tnu'atí
לה אֲנִי יְדוָד דִּבַּרְתִּי אִם לֹא זֹאת אֶעֱשֶׂה לְכָל הָעֵדָה הָרָעָה הַזֹּאת הַנּוֹעָדִים עָלָי בַּמִּדְבָּר הַזֶּה יִתַּמּוּ וְשָׁם יָמֻתוּ׃
35 Aní Adonai dibárti im lo zot e'esé lekhól ha'edá hara'á hazót hano'adím alái bamidbár hazé yitámmu vesham yamútu
לו וְהָאֲנָשִׁים אֲשֶׁר שָׁלַח מֹשֶׁה לָתוּר אֶת הָאָרֶץ וַיָּשֻׁבוּ (וילונו) [וַיַּלִּינוּ] עָלָיו אֶת כָּל הָעֵדָה לְהוֹצִיא דִבָּה עַל הָאָרֶץ׃
36 Veha'anashím ashér shaláj Moshé latúr et ha'áretz vayashúvu vayalínu aláv et kol ha'edá lehotzí dibá al ha'áretz
לז וַיָּמֻתוּ הָאֲנָשִׁים מוֹצִאֵי דִבַּת הָאָרֶץ רָעָה בַּמַּגֵּפָה לִפְנֵי יְדוָד׃
37 Vayamútu ha'anashím motzi'éi dibát ha'áretz ra'á bamagefá lifnéi Adonai
לח וִיהוֹשֻׁעַ בִּן נוּן וְכָלֵב בֶּן יְפֻנֶּה חָיוּ מִן הָאֲנָשִׁים הָהֵם הַהֹלְכִים לָתוּר אֶת הָאָרֶץ׃
38 ViYehoshúa bin Nun veKalév ben Yefuné jayú min ha'anashím hahém haholjím latúr et ha'áretz
לט וַיְדַבֵּר מֹשֶׁה אֶת הַדְּבָרִים הָאֵלֶּה אֶל כָּל בְּנֵי יִשְׂרָאֵל וַיִּתְאַבְּלוּ הָעָם מְאֹד׃
39 Vayedabér Moshé et hadvarím ha'éleh el kol bnei Yisra'él vayit'ablú ha'ám me'ód
מ וַיַּשְׁכִּמוּ בַבֹּקֶר וַיַּעֲלוּ אֶל רֹאשׁ הָהָר לֵאמֹר הִנֶּנּוּ וְעָלִינוּ אֶל הַמָּקוֹם אֲשֶׁר אָמַר יְדוָד כִּי חָטָאנוּ׃
40 Vayashkímu vabóker vaya'alú el rosh hahár lemór hinénu ve'alínu el hamakóm ashér amár Adonai ki jaitánu
מא וַיֹּאמֶר מֹשֶׁה לָמָּה זֶּה אַתֶּם עֹבְרִים אֶת פִּי יְדוָד וְהִוא לֹא תִצְלָח׃
41 Vayómer Moshé lamá zé atém ovrím et pi Adonai vehí lo titzláj
מב אַל תַּעֲלוּ כִּי אֵין יְדוָד בְּקִרְבְּכֶם וְלֹא תִּנָּגְפוּ לִפְנֵי אֹיְבֵיכֶם׃
42 Al ta'alú ki ein Adonai bekirbejém veló tinagfú lifnéi oyveijém
מג כִּי הָעֲמָלֵקִי וְהַכְּנַעֲנִי שָׁם לִפְנֵיכֶם וּנְפַלְתֶּם בֶּחָרֶב כִּי עַל כֵּן שַׁבְתֶּם מֵאַחֲרֵי יְדוָד וְלֹא יִהְיֶה יְדוָד עִמָּכֶם׃
43 Ki ha'Amalekí vehaKena'aní sham lifneijém unfaltém becjárev ki al ken shavtém me'ajaréi Adonai veló yihyé Adonai imajém
מד וַיַּעְפִּלוּ לַעֲלוֹת אֶל רֹאשׁ הָהָר וַאֲרוֹן בְּרִית יְדוָד וּמֹשֶׁה לֹא מָשׁוּ מִקֶּרֶב הַמַּחֲנֶה׃
44 Vaya'pílu la'alót el rosh hahár va'arón brit Adonai uMoshé lo mashú mikkérev hamajané
מה וַיֵּרֶד הָעֲמָלֵקִי וְהַכְּנַעֲנִי הַיֹּשֵׁב בָּהָר הַהוּא וַיַּכּוּם וַיַּכְּתוּם עַד הַחָרְמָה׃
45 Vayéred ha'Amalekí vehaKena'aní hayoshév bahár hahú vayakúm vayaktúm ad haJormá
טו א וַיְדַבֵּר יְדוָד אֶל מֹשֶׁה לֵּאמֹר׃
15:1 Vayedabér Adonai el Moshé lemór
ב דַּבֵּר אֶל בְּנֵי יִשְׂרָאֵל וְאָמַרְתָּ אֲלֵהֶם כִּי תָבֹאוּ אֶל אֶרֶץ מוֹשְׁבֹתֵיכֶם אֲשֶׁר אֲנִי נֹתֵן לָכֶם׃
2 Dabér el bnei Yisra'él ve'amártá alehém ki tavó'u el éretz moshvoteijém ashér aní notén lajém
ג וַעֲשִׂיתֶם אִשֶּׁה לַידוָד עֹלָה אוֹ זֶבַח לְפַלֵּא נֶדֶר אוֹ בִנְדָבָה אוֹ בְּמֹעֲדֵיכֶם לַעֲשׂוֹת רֵיחַ נִיחֹחַ לַידוָד מִן הַבָּקָר אוֹ מִן הַצֹּאן׃
3 Va'asitém ishé lAdonai olá o zévaj lefale néder o vindavá o bemo'adeijém la'asót réi'aj nijó'aj lAdonai min habakár o min hatzón
ד וְהִקְרִיב הַמַּקְרִיב קָרְבָּנוֹ לַידוָד מִנְחָה סֹלֶת עִשָּׂרוֹן בָּלוּל בִּרְבִעִית הַהִין שָׁמֶן׃
4 Vehikrív hamakrív korbanó lAdonai minjá sólet isarón balúl birvi'ít hahín shámen
ה וְיַיִן לַנֶּסֶךְ רְבִיעִית הַהִין תַּעֲשֶׂה עַל הָעֹלָה אוֹ לַזָּבַח לַכֶּבֶשׂ הָאֶחָד׃
5 Veyáyin lanésej revi'ít hahín ta'asé al ha'olá o lazávaj lakévesh ha'ejád
ו אוֹ לָאַיִל תַּעֲשֶׂה מִנְחָה סֹלֶת שְׁנֵי עֶשְׂרֹנִים בְּלוּלָה בַשֶּׁמֶן שְׁלִשִׁית הַהִין׃
6 O la'áyil ta'asé minjá sólet shnei esroním belulá vashémen shlishít hahín
ז וְיַיִן לַנֶּסֶךְ שְׁלִשִׁית הַהִין תַּקְרִיב רֵיחַ נִיחֹחַ לַידוָד׃
7 Veyáyin lanésej shlishít hahín takrív réi'aj nijó'aj lAdonai